Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Disa profesorë të UEJL-së zgjidhen në thirrje të reja mësimoro-shkencore

Dje, në një ceremoni modeste, rektori i Universitetit të Evropës Juglindore, Prof. dr. Zamir Dika dhe kryetari i Bordit të këtij universiteti, Prof. dr. Dennis Farrington promovuan në thirrjen mësimoro-shkencore profesorë ordinarë dhe inordinarë, disa mësimdhënës të këtij universiteti, të cilët me këtë rast zgjedhjen e këtyre profesorëve e vlerësuan si një ngjarje të rëndësishme akademike.

“Kjo është një e arritur e universitetit”, tha ndërmjet tjerash, rektori Dika

Prof. dr. Vebi Bexheti, Prof. dr. Hamit Xhaferi, Prof dr. Nexhbi Veseli, Prof. dr. Hasan Jashari, Prof. dr. Elena Andreevska, Prof. dr. Mustafa Ibrahimi, Prof. dr. Zeqir Kadriu janë profesorët e rinj ordinarë në Universitetin e Evropës Juglindore (UEJL) dhe Liljana Siljanovska profesor inordinar.

Sipas kritereve për zgjedhje, kandidatët e propozuar duhet të kenë pasur punë të pandërprerë akademike në Universitet si profesor inordinar në përputhje me Ligjin për arsim sipëror, botime në revista të njohura ndërkombëtare, të kenë të botuar libra universitarë, të kenë dhënë kontribut në afirmimin dhe përhapjen e imazhit të universitetit,etj.


Recensionet janë shkruar nga emra të njohur të fushës akademike nga vendi dhe ndërkombëtarë.



Më shumë lajme

Google+