COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Studentët e vitit të dytë të Fakultetit të Biznesit dhe Ekonomisë realizuan një vizitë në Fabrikën për Prodhimin e Xhinseve dhe Veshjeve “KOSOVATEX” në Prishtinë, Kosovë

Gjatë takimeve me menaxhmentin e fabrikës u bisedua për vazhdimin e bashkëpunimit dhe parimisht u arrit marrëveshje, që studentë të dalluar të UEJL-së, të kenë mundësi ta kryejnë punën praktike në këtë fabrikë, ose edhe të punësohen.

Gjatë kësaj vizite, studentët mes tjerash u njoftuan për historikun e kësaj ndërmarrjeje me theks të veçantë në procesin e privatizimit të kësaj ndërmarrjeje nga një ndërmarrje shoqërore në private.
Drejtori i përgjithshëm i kësaj fabrike, Nexhmedin Ejupi, foli për privatizim, i cili është bërë nëpërmjet metodës Spin-Off Special në vitin 2006, zhvillimin e kësaj kompanie dhe planet për të ardhmen.
Gjatë takimeve me menaxhmentin e fabrikës u bisedua për vazhdimin e bashkëpunimit dhe parimisht u arrit marrëveshje, që studentë të dalluar të UEJL-së, të kenë mundësi ta kryejnë punën praktike në këtë fabrikë, ose edhe të punësohen.
Aspekti praktik dhe mbledhja e përvojave nga kompani të suksesshme është element mjaft i rëndësishëm në krijimin e personalitetit të menaxherëve të së ardhmes, andaj studentët kishin mundësi që të shohin për së afërmi proceset e zhvillimit të veprimtarisë së një ndërmarrjeje nga fillimi deri në fund.
Kjo kompani ka rreth 250 të punësuar dhe me tendencë të rritjes së vazhdueshme në të gjitha sektorët.
Studentët u ndanë të kënaqur nga vizita, duke shpresuar që në të ardhmen do të realizohen vizita të tjera të këtij lloji.
Vizita u organizua nga profesorët Sadri Aliji dhe Salajdin Abduli të Fakultetit të Biznesit dhe Ekonomisë.

Google+