Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Rektori i UEJL, akademik Alajdin Abazi dhe kryetari i Bordit, Dr. Denis Farington ndoqën Konventën e pestë të Institucioneve Evropiane të Arsimit

Rektori i UEJL, akademik Alajdin Abazi dhe kryetari i Bordit, Dr. Denis Farington ndoqën Konventën e pestë të Institucioneve Evropiane të Arsimit të Lartë (EUA), që u mbajt në Pragë, nga 18-21 marsi 2009, me temë “Ballafaqimi me sfidat globale: Strategjitë evropiane për universitetet e Evropës". Në këtë konventë, poashtu ishin të pranishëm edhe rektori i Universitetit “Shën Kirili dhe Metodi" - Shkup;

rektori i Universitetit “Shën Kliment Ohridski”-Manastir dhe prorektori i Universitetit Shtetëror të Tetovës. Diskutimet ishin të fokusuara në katër tema: (I) universiteti si një institucion gjithëpërfshirës dhe përgjegjës, (II) universitetet si institucione kërkimore, (III) qeverisja dhe menaxhimi i institucioneve komplekse - sfidat e reja në arsimin e lartë: ndikimi dhe përgjigja e institucionit, (IV) shpërndarja globale – Ndërveprimi i Evropës me botën dhe më gjerë. Në takimin me përfaqësuesit e universiteteve nga Maqedonia, të udhëhequr nga rektori i Universitetit “Shën Kliment Ohridski” të Manastirit, në cilësinë e kryetarit të Konferencës së rektorëve, ky i fundit i dërgoi një protestë formale me shkrim EUA-së për përdorimin e shkurtesës “FYROM” në materialet e Konventës në vend të emrit kushtetues të R Maqedonisë. Pritet një përgjigje zyrtare nga Bordi i EUA dhe se e njëjta kur do të pranohet edhe do të publikohet.
Google+