Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Studentet e UEJL-së për vizitë në institucionet evropiane në Strasburg

Nga data 24 janar deri më 31 janar në  Strasburg qëndruan një grup studentesh nga Maqedonia dhe Shqipëria. Organizator dhe udhëheqës i grupit ishte Prof. dr. Ylber Sela dhe  Dr. Vladimir Lame, ku disa studentëve  nga Shqipëria dhe Maqedonia ua mundësuan një vizite institucionale në institucionet evropiane edhe atë në Këshillin e Evropës, Parlamentin Evropian dhe në Gjykatën Evropiane për të Drejtat e Njeriut.

Studentet e ciklit te dytë, të Fakultetit të Administrimit Publik dhe Shkencave Politike të UEJL-së ditën e parë të vizitës i ndoqën punimet e Asamblesë Parlamentare të Këshillit të Evropës e sidomos ata ishin të pranishëm në sallë gjatë diskutimeve, debateve dhe votimit të Rezolutës së Dick Martit.
Në ditën e dytë të qëndrimit në Strasburg, studentët vizituan Gjykatën Evropiane për të Drejtat e Njeriut, ku përveç që u njoftuan me funksionimin e këtij institucioni, ata ndoqën edhe një ligjëratë me gjyqtarin që përfaqëson Shqipërinë në Gjykatën Evropiane për të Drejtat e Njeriut, z. Ledi Bianku.
Në ditën e tretë ata vizituan Parlamentin Evropian ku në njërën nga sallat e saj ndoqën një ligjëratë rreth funksionimit dhe historikut të Parlamentit Evropian.
Gjatë ditëve në vazhdim studentet vizituan edhe universitete të ndryshme në Francë dhe në Zvicër.


Më shumë lajme

Google+