Filloi viti akademik për studentët e magjistraturës

Në UEJL, të enjten (21 tetor 2010), me një ceremoni rasti ka filluar ora e parë akademike dhe dita e orientimit për studentët e magjistraturës në të dy kampuset universitare, në Shkup dhe në Tetovë. Fjalim rasti në kampusin në Shkup, mbajti rektori i UEJL, Prof. dr. Zamir Dika, i cili uroi studentët për zgjidhjen e bërë që të studiojnë në këtë universitet. . “Të studiuarit në UEJL nënkupton studime dinamike, të harmonizuara dhe interaktive brenda kampuseve tona universitare në Tetovë dhe Shkup, duke ofruar kushte optimale për të gjitha këto studime. Kjo do t’ju japë mundësi që të reflektoni mbi atë që e keni mësuar gjatë studimeve dhe t’i aplikoni njohuritë tuaja teorike në praktikë. Unë jam i bindur se pas përfundimit të studimeve do të tregoni afinitete, njohuri dhe përgjegjësi profesionale”, tha rektori Dika. Në kampusin universitar në Tetovë mirëseardhje studentëve të ri në studimet e magjistraturës u dëshiroi prorektori (provosti) për çështje akademike, Prof. dr. Pol Foster. “Duke qenë studentë ju mbarti me vete disa të drejta dhe përgjegjësi. Ne, administrata e Universitetit dhe stafi akademik zotohemi se do të vëmë në radhë të parë interesin tuaj dhe do t’ju ofrojmë shërbime dhe programe akademike më cilësore. Ju duhet të zotoheni se do të jeni të ndershëm, të ndërgjegjshëm dhe studentë punëtor – do të merrni pjesë rregullisht në ligjërata, të merrni pjesë në mënyrë aktive në klasë dhe mbi çdo gjë tjetër, të jeni të hapur ndaj botës së të mësuarit dhe ideve të reja.”, tha provosti Pol Foster Studentët e magjistraturës patën rastin që nga udhëheqësit e shërbimeve të ndryshme të UEJL-së të marrin informacione, të cilët do t’iu nevojiten gjatë studimit.