Prorektori për financa dhe zhvillim fizik i UEJL, Prof. dr. Abdylmenaf Bexheti tha se “studentët, do të kenë mundësi që në prizmin e biznesit të vogël t’i shohin risitë dhe mënyrën e re të gjykimit, sepse idetë e reja vijnë vetëm nga mendjet e reja”. Ai tha se aspekti tjetër i rëndësishëm i librit është se ai paraqet një udhërrëfyes të mirë edhe për botën e biznesit, respektivisht sipërmarrësit tanë dhe posedon një atribut të veçantë, ku për herë të parë studentëve iu jepet mundësia që bashkë me profesorin e tyre të paraqiten edhe si bashkautorë të një libri
Redaktori i këtij libri, Doc. dr. Veland Ramadani u shpreh se “menaxhimi i një biznesi të vogël është aktivitet mjaft kompleks dhe sfidues”. Ai tha se, qëllimi i këtij teksti është që lexuesit t’i ofrojë një pasqyrë më të qartë rreth biznesit të vogël, përparësive dhe dobësive, respektivisht beneficioneve, sfidave dhe problemeve që dalin nga posedimi dhe menaxhimi i një biznesi të vogël, mënyrave të organizimit të një biznesi, përpjekjeve novatore për ballafaqim me konkurrencën, identifikimin dhe kërkimin e zgjidhjes në lidhje me evitimin e situatave të rrezikshme gjatë operimit të biznesit.
Përveç Doc. dr. Veland Ramadanit, si bashkautorë të këtij libri janë edhe studentët: Almir Adili, Artë Maksuti, Atixhe Ajdini, Blerta Ramadani, Blerta Xheleshi, Floreta Bexheti, Hana Demiri, Majlinda Çorolli, Nafi Rustemi, Nora Salihi, Siandra Hasani dhe Shkurta Imeri.
Promovohet libri “Specifikat e biznesit të vogël”
15 qershor 2010“Specifikat e biznesit të vogël”, titullohet libri, i cili të hënën (31 maj 2010), u promovua në Fakultetin e Biznesit dhe Ekonomisë, në UEJL. Ky libër është rezultat i një angazhimi të përbashkët të Doc.dr. Veland Ramadanit dhe disa studentëve të tij dhe paraqet një simbiozë të njohurive teorike nga fusha e biznesit të vogël dhe të dhënave empirike, me ç’rast janë anketuar rreth 120 biznese të vogla, të cilat aktivitetin e tyre afarist e ushtrojnë në qytete të ndryshme, si në Shkup, Kumanovë, Tetovë, Gostivar, Dibër, Kërçovë dhe Strugë.
Më shumë lajme
- UEJL shënon 25-vjetorin e themelimit me një ceremoni solemne dhe nderon akademik Abdylmenaf Bexhetin me titullin „Doctor Honoris Causa“
- ChallengeEU organizon fushatë ndërgjegjësuese për shëndetin mendor në kuadër të 25-vjetorit të UEJL-së
- Fakulteti i Drejtësisë i UEJL-së organizon Konferencën e VII Ndërkombëtare Shkencore në Shkencat Juridike – ISCLS ’26
- UEJL shpreh ngushëllime për ndarjen nga jeta të Prof. Sulo Hadërit
- UEJL dhe Instituti i Kontabilistëve të Autorizuar të Maqedonisë së Veriut nënshkruajnë Memorandum Bashkëpunimi me UEJL-në
- UEJL dhe MAPAS nënshkruajnë memorandum bashkëpunimi për avancimin e edukimit financiar dhe praktikës profesionale
- Ambasadorja e Holandës në RMV, Ozlem Canel, ligjëroi në UEJL me temë “Çfarë ardhmërie dëshironi?”