Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

U mbajt tryezë e rrumbullakët për ekonominë qarkore

Fondacioni i Universitetit të Evropës Juglindore dhe Qendra për Biznes dhe Inovacion, në kuadër të projektit të ko-financuar nga SlovakAid, sot (10.10.2023), mbajtën tryezën e rrumbullakët me temë: "Ekonomia qarkore në Maqedoninë e Veriut - Rekomandime të bazuara në mësimet e nxjerra nga Sllovakia”. Në hapjen e kësaj tryeze fjalim mbajtën Rektori i Universitetit të Evropës Juglindore, Akad. Prof. Dr. Abdylmenaf Bexheti dhe ambasadori i Sllovakisë në Maqedoninë e Veriut Sh.T. Henrik Markuš.

Në fjalimin e tij, Rektori Bexheti e falënderoi qeverinë sllovake dhe taksapaguesit sllovak për mbështetjen për realizimin e këtyre projekteve, të cilët ofrojnë mundësi të shumta për ekonominë.

“Efektet e ekonomisë qarkore janë të shumëfishta e në radhë të parë ambientaliste, shoqërore dhe ekonomike”, theksoi në fjalimin e tij Rektori Bexheti.

Ambasadori sllovak, Sh.T. Henrik Markuš, në fjalimin e tij i shpjegoi qëllimet pse SllovakAid e ka përkrahur këtë projekt, cilët janë mundësitë dhe përfitimet për vendin. Ai tha se është më rëndësi të ngritët vetëdija e qytetarëve e më pas të gjinden zgjidhje sistematike për problemin me mbeturinat.

Prezantimin e përmbledhës për gjetjet në kuadër të projektit e bëri Avni Arifi, koordinator i projektit.

Në tryezën e rrumbullakët morën pjesë përfaqësues të kompanive, studentë në drejtimet ekologjike dhe staf akademik e administrativ.

Google+