COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

ICan në Gostivar mbajti Panairin e Punësimit dhe Karrierës

Në organizim të Qendrës iCan, sot (3 qershor 2022), në Gostivar u mbajt Panairi i Punësimit dhe Karrierës, ku morën pjesë përfaqësues të kompanive të njohura nga vendi, institucione nacionale dhe lokale që merren me politika aktive të punësimit dhe vizitorë të shumtë, kryesisht të rinj nga Rajoni i Pollogut.

Në hapjen e Panairit, në cilësinë e partnerit të këtij projekti mori pjesë rektori i Universitetit të Evropës Juglindore, Akad. Prof. Dr. Abdylmenaf Bexheti, zëvendëskryeministri Fatmir Bytiqi, ministrja e Punës dhe Politikës Sociale, Jovanka Trnçevska, kryetari i Komunës së Tetovës, Bilall Kasami, përfaqësues të UNDP-së dhe mysafirë të tjerë.

“Universitetet janë ato që duhet t’i identifikojnë dhe tu paraprijnë problemeve me kohë, që politikbërësit të mund të ngrenë iniciativa, t’i ndërtojnë politikat e tyre. Ne, si universitet këtë e dëshmuam, duke hapur Qendrën e Karrierës, që në vitin 2005. Njëjtë, ne si ekspertë dhe si Universitet paralajmëruam, që në vitin 2015, për asimetrinë e tregut të punës. Universiteti e ka patur, e ka dhe vazhdon ta ketë brengë numër një” ikjen e trurit”, jo vetëm për studentët e vet, jo vetëm për programet formale që i ka brenda tij, por edhe nevojën e trajnimeve permanente, andaj falënderojmë shumë donatorët, Ambasadën e Zvicrës, UNDP dhe dy komunat e Pollogut, Tetovën dhe Gostivarin, për mbështetjen e hapjes së Qendrës iCan”, tha mes tjerash rektori Bexheti në diskutimin panel, që u organizua në kuadër të Panairit.

Qëllimi i Panairit është lidhja direkte të të rinjve të papunë me sektorin privat nga Rajoni i Pollogut dhe plotësimi i vendeve të lira të punës në disa industri, si dhe nxitja e debatit për krijimin e modelve të duhura për aktivizimin e rinisë në tregun e punës.

Ngjarja u pasua nga disa panele lidhur me tregun e punës dhe fuqinë punëtore.

Google+