Rektori Bexheti merr pjesë në konferencën e EUA-së për digjitalizimin e mësimdhënies

Në temën e Transformimit Digjital në Arsimin e Lartë (AL) dhe posaçërisht në procesin e gjithëpërfshirjes, duke trajtuar sfidat me të cilët ballafaqohet AL, rektori Bexheti, në diskutimin e tij e inicioi nevojën për rregullimin normativ të lëmisë dhe posaçërisht aspektet e trajnimit të stafit akademik në njërën anë dhe kulturës institucionale në anën tjetër.

“Universitetet si institucione konzervative, krijojnë rezistencë për ndryshime dhe transformime te shpejta, shpesh duke iu referuar edhe lirisë akademike, me shume për “mbulesë” se sa për ruajtje të vlerave.”, theksoi rektori Bexheti.

Përderisa Evropa Perëndimore, po debaton për këto çështje e brenga në Ballkanin Perëndimor as që familjarizohen me trendët e lëre më të tentohen zgjidhje të dobishme për gjeneratat që vijnë pas, tha mes tjerash Rektori Bexheti.

Fokusi i konferencës ishte gjetja e mënyrës se si të ndërtohet strategji dhe të krijohen politika që mund të ndihmojnë në formësimin e digjitalizimit në mësimdhënie në arsimin e lartë brenda dekadës së ardhshme.