COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

UEJL fiton grantin e dytë në kudër të projektit H2020 Fed4Fire+ dhe përfshinë edhe studentë të magjistraturës

Universiteti i Evropës Juglindore(UEJL), përkatësisht Instituti Shkencor “Maks van der Shtul” në bashkëpunim me Qendrën për Biznes dhe Inovacion është fitues i grantit të dytë në kuadër të projektit H2020Fed4Fire+. Është karakteristike se në këtë projekti UEJL është partner i vetëm dhe bartës kryesor i tij.

“Për herë të parë, në projekt është përfshirë edhe një student i magjistraturës në UEJL, i cili është duke e kryer punën praktike në Institut. Ai do të ketë mundësi që projektet e ndryshme që do t’i ketë gjatë magjistraturës t’i aplikojë dhe eksperimentojë në pajisjet wirless, ose ato profesionale që i mundëson projekti.”, thotë Dr. Mennan Selimi, udhëheqës i grupi hulumtues DSG në Institut.

Synimi i Institutit “Maks van der Shtul” është përfshirja e sa më shumë studentëve në projekte, në veçanti në studimet e magjistraturës dhe doktoraturës.

Tema e projektit shtjellon problemin e sistemeve të pagesës, duke përdorur teknologjinë Blockchain si ndërmjetësues (si zëvendësim i bankave). Ne fakt sistemi që propozohet (dhe qe është implementuar), duhet që tani të testohet ne pajisjet reale (wireless) ne Antwerp te Belgjikes.

Projekti fillon në Dhjetor të këtij viti dhe do të përfundoj në Qershor të vitit 2021.

Google+