COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Klaus Tohterman zgjidhet kryetar i ri i Bordit të Universitetit të Evropës Juglindore

Sot (11 shtator 2020), u mbajt mbledhja konstituive e përbërjes së re të Bordit të Universitetit të Evropës Juglindore. Në këtë mbledhje, u konstatua anëtarësia e re e Bordit, i cili gjithsej numëron shtatë anëtarë.

Anëtarët e ri të Bordit nga bashkësia ndërkombëtare janë: Klaus Tohterman (Klaus Tochtermann), i cili vjen nga Universiteti i Kielit, Gjermani dhe Xhon Parish Sproul (John Parrish Sprowl), nga Universiteti Indiana - IUPUI, SHBA. Nga Senati i Universitetit anëtarë të ri janë: Prof. Dr. Veronika Kareva, Prof. Dr. Veli Kreci dhe Prof. Dr. Visar Shehu. Anëtarë të Bordit nga komuniteti lokal janë: Prof. Dr. Elena Dumova dhe z. Nebi Hoxha.

Kryetar i ri i Bordit të Universitetit u zgjodh Prof. Dr. Klaus Tohterman, kurse zëvendëskryetar u zgjodh Prof. Dr. Veli Kreci.

Në këtë mbledhje Bordi, gjithashtu, zgjodhi edhe trupat punues të tij, si Komitetin Ekzekutiv dhe Komitetin për Auditim dhe Menaxhim të Rrezikut.

Mandati i anëtarëve të Bordit të ri, zgjat katër vite dhe do të përfundoj në gusht te vitit 2024.

Google+