Formohet Komisioni për monitorimin e pandemisë së gripit A/H1N1
11 nëntor 2009
Rektori i Universitetit të Evropës Juglindore (UEJL), në Tetovë, Akademik Alajdin Abazi, ka miratuar vendimin për formimin e Komisionit të pandemisë në Universitet, i cili do të monitorojë nga afër gjithë situatën epidemiologjike të gripit të derrave (A/H1N1), në UEJL. Me komisionin në fjalë, do të udhëheq Darko Spirovski, drejtor i Mirëmbajtjes.
Vendimi është marrë nga shkaku se ka një rritje të shkallës së përhapjes së pandemisë së gripit në Maqedoni, rajon dhe gjetkë. Universiteti, me këtë rast, ka rritur shkallen e vigjilencës për të ndërmarrë hapa parandalues ndaj paraqitjeve eventuale të gripit në komunitet.
Komisioni ka për detyrë që të zbatojë Planin e veprimit mbi pandeminë.
Pandemia e gripit të derrave shkaktohet nga një virus i ri i gripit, që përhapet me shpejtësi në të gjithë botën dhe infekton një numër të konsiderueshëm të popullatës.
Gripi i derrit është një infeksion akut viral i rrugëve të frymëmarrjes së derrave, që shkaktohet nga tipi A i virusit të gripit H1N1.
Të gjithë të punësuarit dhe studentët në raste emergjente duhet kontaktuar drejtpërdrejt Sigurimin e qytezës universitare, ose përmes tel. lokal 2200.
Më shumë lajme
- UEJL shënon 25-vjetorin e themelimit me një ceremoni solemne dhe nderon akademik Abdylmenaf Bexhetin me titullin „Doctor Honoris Causa“
- ChallengeEU organizon fushatë ndërgjegjësuese për shëndetin mendor në kuadër të 25-vjetorit të UEJL-së
- Fakulteti i Drejtësisë i UEJL-së organizon Konferencën e VII Ndërkombëtare Shkencore në Shkencat Juridike – ISCLS ’26
- UEJL shpreh ngushëllime për ndarjen nga jeta të Prof. Sulo Hadërit
- UEJL dhe Instituti i Kontabilistëve të Autorizuar të Maqedonisë së Veriut nënshkruajnë Memorandum Bashkëpunimi me UEJL-në
- UEJL dhe MAPAS nënshkruajnë memorandum bashkëpunimi për avancimin e edukimit financiar dhe praktikës profesionale
- Ambasadorja e Holandës në RMV, Ozlem Canel, ligjëroi në UEJL me temë “Çfarë ardhmërie dëshironi?”