Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Mbledhje komemorative për profesor Alajdin Demirin

Në Universitetin e Evropës Juglindore në Tetovë, të martën (16 prill 2019), u mbajt mbledhje komemorative me rastin e ndarjes nga jeta të kolegut profesorit Alajdin Demiri.

“Veçantia e tij nuk ishte vetëm filozofia e tij politike, por edhe oponenca, bile edhe ndaj „shefave” të tij politik. I tillë mbeti deri në fund të jetës. Nuk iu nënshtrua lakmisë për pozita me servilitet, siç zakonisht ndodhë. Kjo ishte ADN-ja dhe emëruesi ynë i përbashkët që mч bënte shumë të afërt me atë.”, theksoi në fjalën e rastit Akad. Prof. Dr. Adylmenaf Bexheti.

Prof. Dr. Vebi Bexheti, bashkëpunëtor dhe bashkëveprimtar, evokoi kujtime nga një pjesë e biografisë së të ndjerit Alajdin Demiri. “Ai ishte i palëkundur në qëndrimet e tij dhe këtë e bënte çdo kund dhe në çdo vend, kur ishte e nevojshme të thuhen gjërat ashtu siç ishin”, veçoi Prof. Vebi Bexheti.

Besjan Demiri, djali i të ndjerit Alajdin Demiri, u shpreh se përveç pikëllimit ndjehet i respektuar për fjalët që u thanë për personalitetin e të atit. Ai tha se ndjehet shumë krenar se babai i tij ka patur kaq shumë njerëz që e kanë respektuar dhe nderuar. Ai e falënderoi UEJL-në për përkrahjen e dhënë gjatë gjithë kohës për prindin e tij.

Google+