Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Aborti: Kundërplasje në Evropë - shfaqje e filmit dhe debat

Të martën (9 prill 2019), në Universitetin e Evropës Juglindore, në organizim të Fakulteti Juridik dhe shoqatës HERA (Shoqata për Edukim Shëndetësor dhe Hulumtim), u projektua filmi "Aborti: Kundërplasje në Evropë", i prodhuar nga ARTE (produksion franko-gjerman), si dhe u mbajt panel diskutimi në po këtë temë, me theks të veçantë për Ligjin e ri për abortin, që pritet të miratohet nga Parlamenti i Republikës së Maqedonisë së Veriut.

Panelistë të debatit ishin: Doc. Dr. Arta Selmani-Bakiu – profesoreshë e së drejtës familjare, Asistente Albana Metaj-Stojanova – ligjëruese e së drejtës familjare, Dr. Arian Alili- gjinekolog, Iva Mihajlovska – HERA dhe Rita Behadini - Përfaqësuese e Klubit Feminist të Universitetit të Evropës Juglindore.

“Debati ishte shumë i suksesshëm pasi ngjalli interes si te studentët ashtu edhe te stafi i Universitetit. Gjatë debatit u nxorën disa përfundime, por më i rëndësishmi ishte se pavarësisht debateve që zhvillohen, femra duhet vet të vendos se çfarë duhet të bëjë me trupin e vet.”, theksoi Doc. Dr. Arta Selmani, prodekane e Fakultetit Juridik.

Studentët patën mundësi të ndjekin filmin, ku në mënyrë shumë të qartë pasqyrohet realiteti i dy taborëve, pro dhe kundër abortit. Po ashtu, pati shumë pyetje nga studentët dhe mendime rreth kësaj tematike nga profesionistët e fushës.



Më shumë lajme

Google+