Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Mbahet tribuna për përkrahjen e ideve të biznesit nga biznes engjëjt

“Bëhuni Biznes Engjëll – përkrahni ide të suksesshme të biznesit”, ishte tema e tribunes, që sot (27.02.2019), u mbajt në UEJL-Shkup, në organizim të CEED Macedonia dhe Universitetit të Evropës Juglindore, me përkrahje të Ministrisë së Ekonomisë e Maqedonisë dhe Programi Zviceran për Ndërmarrësi – SwissEP.

“Universiteti i Evropës Juglindore me nisma të ngjashme ka filluar shumë herët, që me themelimin e tij, kur u krijua Qendra për Zhvillimin e Biznesit, që kishte një koncept të ngjashëm”, tha në fjalimin e tij, rektori i UEJL-së, Akad. Prof. Dr. Abdylmenaf Bexheti. Ai informoi se Universiteti ynë,është partner në realizimin e një projekti, ku bartës është një universitet nga Greqia. Në kuadër të këtij projekti, do të përkrahen të gjitha nismat inovative të studentëve.

“Nuk është projekt shumë i madh, por i rëndësishëm për studentët dhe për simbolikën që përfaqëson”, tha rektori Bexheti. Ai theksoi se në strukturën ekonomike të vendit ka mjaft plasaritje,që mund të plotësohen nga biznes engjëjt.

Ambasadorja e Zvicrës, Sibel Zuter, theskoi se ata si ambasadë kanë krijuar përvoja së bashku me USAID, që do të ndihmojnë në afirmimin e konceptit të biznes engjëjve në vend.

Në emër të ministrit të Ekonomisë, foli sekretari shtetëror, Blerim Zllatku, i cili tha se kjo ministri edhe konkretisht ka përkrahur projekte që nxisin burime alternative të financimit.

Ministri pa resor, Zoran Shapuriq, e theksoi nevojën e afirmimit sa më të madh të konceptit të biznes engjëjve, të cilët ndikojnë në zhvillimit ekonomik.

Prof. Dr. Veland Ramadani, prezantoi lidhur me konceptin, mënyrën e funksionimit dhe ndikimin e biznes engjëjve në zhvillimin e ndërmarrësisë.

Përfaqësuesi Maxhovski, përfaqësues i CEED Macedonia, falënderoi pjesëmarrësit dhe i prezantoi aktivitetet që i ka realizuar kjo organizatë.

Lidhur me përvojat dhe funksionimin e një biznes engjëlli, foli Aron Braun, biznes engjëll nga Klubi zviceran i biznes engjëjve

Google+