Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Rektori Bexheti mori pjesë në konferencën e universiteteve publike shqiptare në Prishitinë

Në kuadër të shënimit të përvjetorit të 49-të të Universitetit të Prishtinës “Hasan Prishtina”, fundjavën e kaluar në Prishtinë u mbajt Konferencë njëditore, ku merrnin pjesë përfaqësues të të gjitha universiteteve publike shqiptare nga Kosova, Shqipëria dhe Maqedonia Veriore.

Në këtë konferencë mori pjesë edhe rektori i Universitetit të Evropës Juglindore, Akad. Prof. Dr. Abdylmenaf Bexheti.

Përfaqësuesit e 20-të universiteteve publike shqiptare, në mesin e të cilëve edhe UEJL, nënshkruan një Deklaratë të përbashkët, ku pajtohen për çështje të rëndësishme me interes për universitetet nënshkruese.

“Mundësitë dhe format e bashkëpunimit ndëruniversitar regjional”, ishte tema kryesore e konferencës, ku përveç tjerash u diskutua edhe për mekanizmat dhe procesin e konkretizimit të bashkëpunimeve në fusha të ndryshme.

Rëndësi e veçantë i është dhënë bashkëpunimit me qeveritë përkatëse për krijimin e një fondi të veçantë për shkëmbimin e studentëve dhe personelit akademik midis universiteteve publike shqiptare.

Rektorët e universiteteve, në prezencë edhe të personaliteteve politike dhe institucionale të Kosovës, morën pjesë në ceremoninë e shënimit të përvjetorit të 49-të të Universitetit të Prishtinës “Hasan Prishtina”.

Google+