Ligjëratë e ambasadorit Xhes Bejli për studentët e UEJL-së

Temë bosht e kësaj ligjërate ishte lufta kundër korrupsionit, që sipas ambasadorit amerikan është një fenomen që i dobëson institucionet, kurse qytetarët i privon nga mundësia e vetë - realizimit dhe ecjes përpara. Për Shtetеt e Bashkuara të Amerikës është shumë i rëndësishëm respektimi i vlerave si: sundimi i ligjit dhe lufta kundër korrupsionit. Për të luftuar me sukses korrupsionin është e nevojshme krijimi i percepcionit për këtë fenomen te qytetarët dhe institucionet.

“Kjo luftë është e suksesshme kur kemi institucione të fuqishme dhe përfshirje të qytetarëve të një vendi në këtë proces”, tha ambasadori Bejli.

Studentët, që shprehën interes të madh për këtë ligjëratë parashtruan edhe pyetje lidhur me rolin e SHBA-ve në luftën kundër korrupsionit dhe rolin e studentëve në këtë drejtim.

Vlen të theksohet se paraprakisht ambasadori amerikan Xhes Bejli, u takua me rektorin e UEJL-së, Prof. Dr. Zamir Dika, porovostin, Prof. Dr. Andrew Goodspead dhe prorektorin për marrëdhënie ndërkombëtare, Prof. Dr. Blerim Reka.