Drejtori i UNDP-së për Kosovë mbajti ligjëratë në UEJL Shkup

"Nga praktika në teori: një rrugëtim i një paqe-ndërtimi të OKB-së nga El Salvadori, në Guatemalë dhe nga Qipro në Kosovë", ishte tema e ligjëratës së drejtorit të UNDP-së për Kosovë, Andrew Russeli, I cili e mbajti të premten (6 mars), para studentëve të magjistraturës në UEJL –Shkup në drejtimin diplomaci.

Drejtori i UNDP-së Andrew Russell vizitoi kampusin e UEJL-së në Tetovë, ku u takua me rektorin Prof. Dr. Zamir Dika, me të cilin bisedoi për bashkëpunimin e Universitetit tonë me UNDP-në. Gjatë bisedës u shqyrtuan disa nga mundësitë për një bashkëpunim të ndërsjellë, që siç u tha, ka hapësirë të shumtë dhe është në interes të të dy palëve.