Shtyhet afati për regjistrimin e studentëve në UEJL deri më 29 gusht

Duke e pasur parasysh faktin se në disa shkolla të mesme ende nuk ka përfunduar procesi i dhënies së diplomave të maturës shtetërore, Universiteti i Evropës Juglindore (UEJL), përkatësisht Këshilli i Rektorit ka vendosur ta shtyjë afatin e regjistrimit të studentëve. Kështu, konkursi për regjistrimin e studentëve në fakultetet e Universitetit të Evropës Juglindore për vitin akademik 2009/2010, sipas modelit të cikleve të studimeve do të jetë i hapur deri më 29 gusht 2009.