Explore Campus 360°
Ambasadorja Auer shpjegoi principet e universalizmit në kuadër të politikës së jashtme franceze, duke konstatuar se “Të drejtat e njeriut dhe respektimi i të drejtës ndërkombëtare janë principet kryesore të universalizmit”
Para studentëve të shumtë dhe mësimdhënësve të UEJL-së, Ambasadorja Auer shpjegoi gjithashtu edhe zhvillimet në kuadër të politikës botërore dhe Balkanit nga pikëpamja e diplomacisë franceze .Duke folur për çështjen emrit në mes Maqedonisë dhe Greqisë ajo theksoi se të dy shtetet duhet që të gjejnë kompromis në çështjen e emrit dhe kompromisi të pranohet nga të dy palët.
Duke folur në kuptimin e saj bashkëkohorë të doktrinës së politikës së jashtme franceze ,mes tjerash ambasadorja Auer, tha se diplomacia nuk është e dizajnuar vetëm për ekspertët e marrëdhënieve ndërkombëtare, por gjithashtu edhe për njerëzit me bagazh ekonomik, që kanë fuqi ekonomike përmes investimeve, bizneseve të mira, universiteteve të mira, studentë të huaj, etj.
Në edicionin e fundit të Cikli të Ligjëratave me Diplomatë, ambasadorja franceze Auer shpjegoi se Franca gjithmonë nëpër botë ka pasur misione paqësore dhe të sigurisë kur vjen çështja e konflikteve që eskalojnë. Në kuadër të misioneve ndërkombëtare si ato në Libi, në Irak, në Afganistan, në Kosovë, roli i Francës ka qenë në vendosjen e paqes dhe sigurisë në ato shtete. Sipas saj ,në këtë drejtim është vendosur doktrina e politikës së jashtme.
Në fjalimin e tij hyrës, drejtori i Institutit për Hulumtime Shkencore të UEJL-së "Maks van der Shtul" Prof. dr. Veton Latifi, rikujtoi se deri në përfundimin e Luftës së Dytë Botërore ndërtimi i Evropës duket se është një nga parimet kryesore të politikës së jashtme Franceze. Sipas tij aty ka disa arsye për këtë: dëshira për të rivendosur paqen dhe të garantojë sigurinë e shteteve, forcimin e demokracisë së qeverisë dhe të bëjë ndërtimin e Evropës një realitet dhe ta zhvillojnë atë në forum politik të respektuar. "