Explore Campus 360°
Aktivitet, që u realizuan për të shënuar këtë ditë, që Kombet e Bashkuara, e kanë emëruar “Dita e Lumturisë” dhe “Dita kundër diskriminimit racial”, ishin të shumta.
Në shënimin e kësaj dite u bashkëngjitën studentët, stafi akademik dhe stafi administrative i Universitetit.
Prezantimet kryesore i mbajtën prorektori për çështje akademike, Prof. Dr. Andrju Godspid dhe Prof. Agim Poshka, të cilët folën për rëndësinë e personalitetit të Nelson Mandela në promovimin e lirisë dhe luftës kundër diskriminimit racial.
Studentët e komunikimit, kishin përgatitur një videomaterial me intervista me studentët dhe stafin e universiteti për domethënien e lirisë. Në objektin e Fakultetit të Gjuhëve, Kulturave dhe Komunikimit u caktua një hapësirë, ku të gjithë kishin mundësi të shkruajnë mendimet e tyre për domethënien e lirisë.
Pjesë enigmatike, të lidhura me jetën e Nelson Mandelës, ishte këndi tjetër, i cili zgjoi mjaft interes tek pjesëmarrësit.
Në pjesë të ndryshme të kampusit u vendosën pano me citime të njohura të Nelson Mandelës, të cilat kryesisht kishin të bënin me lirinë e shprehjes, kundër diskriminimit racial dhe arsimin.