Explore Campus 360°
Zëvendës ambasadori italian në Maqedoni, Filippo Candela dhe atasheu për kulturë Alesandra Ksenija –Jelen, të martën (25 shkurt 2014), realizuan vizitë në Universitetin e Evropës Juglindore, ku u takuan me rektorin Prof. Dr. Zamir Dika, prorektorin për Hulumtime dhe Marrëdhënie Ndërkombëtare Prof. Dr. Blerim Reka, dhe drejtorin e Institutit shkencor “Maks van der Stoel”, Prof. Dr. Veton Latifi.
Temë kryesore e takimit ishte thellimi bashkëpunimi mes Institutit “Maks van der Stoel”, instituteve hulumtuese dhe universiteteve italiane, si dhe mundësia e futjes së gjuhës italiane si lëndë zgjedhore në kuadër të UEJL-së. Lidhur me këtë ide, të dyja palët shprehën interesim për rikthimin e gjuhës italiane në UEJL, kurse Ambasada Italiane u shpreh e gatshme që të ndihmojë në këtë drejtim.
Rektori Dika, bëri një retrospektive të bashkëpunimi të Universitetin tonë me ambasadën dhe universitetet italiane. Ai, prezantoi projektet e realizuara, të financuara dhe të mbështetura nga qeveria italiane.
Atasheu për kulturë, znj. Ksenija-Jelen, foli për bashkëpunimin dhe mbështetjen e Ambasadës Italiane dhe Sektorit të kulturës të kësaj ambasade, në drejtim të vënies së bashkëpunimit me universitetet dhe institucionet arsimore e hulumtuese italiane.
Me rastin e marrjes së presidencës së Bashkimit Evropian nga Italia në vitin 2015, u diskutua ideja e organizimit të një aktiviteti kulturor, i cili do të kishte për qëllim njohjen më të mirë të arbëreshëve të Italisë.
Bashkëbiseduesit u pajtuan se në të ardhmen bashkëpunimi të thellohet me qëllim përforcimin e lidhjeve të bashkëpunimit të ndërsjellë në fushën e arsimit dhe shkencës.