Explore Campus 360°
Rektori i UEJL-së Prof. dr. Zamir Dika i shoqëruar nga drejtori i Institutit të hulumtimeve shkencore të UEJL-së Maks van der Shtul, Prof. dr. Veton Latifi kanë takuar më 20 shkurt përfaqësuesit e bashkëpunimit ndërkombëtar të Univesitetit të Gentit në Gent si dhe universitetit ULB në Bruksel. Gjatë takimeve me përfaqësuesit e këtyre dy universiteteve u konstatua gatishmëria e universiteteve për intensfikimin e bashkëpunimit në kuadër të programeve evropiane për mobilitet, aplikime të përbashkëta për projekte hulumtuese në kuadër të programeve të BE-së për hulumtim dhe arsim të lartë, intensifikimin e bashkëpunimit dhe shqyrtimin e mundësive për organizime të përbashkëta të konferencae shkencore dhe publikimeve të përbashkëta të grupeve të hulumtimit të universiteteve.
Rektori i UEJL-së Prof. dr. Zamir Dika në këto takime i paraqiti disa mundësi konkrete dhe gatishmërinë e Universitetit të Evropës Juglindore për intensifikimin e bashkëpunimit në sferat, në të cilat ky universitet ka përvojën dhe vlerat e veta të shtuara në kuadër të projekteve konkrete bashkëpunese në të ardhmen.
Paraprakisht më 19 shkurt delegacioni i UEJL-së në Bruksel është pritur nga përfaqësuesit e një prej instituteve më të njohura evropiane për hulumtimin shkencor të politikave të BE-së CEPS (Qendrës për studime të politikave evropiane). Gjatë takimit me drejtorin e politikave të jashtme të BE-s së, Prof. dr. Stven Blockmans u arrit një pajtueshmëri dhe u gjet një interesim reciprok për aplikime të përbashkëta në projektet hulumtuese evropiane që përkojnë me politikat e jashtme të BE-së dheBallkanin Perëndimor si dhe një publikim të përbashkët vjetor me hulumtues të fushave përkatëse nga dy institucionet.