Karakteristikat e një reviste të keqe:

• Ka tarifa të larta botimi
• Ka emërtim të përgjithësuar ose të paqartë
• Boton punime pothuajse në çdo fushë të hulumtimit
• E pranon punimin shpejt dhe menjëherë   
• Nuk ka adresë të saktë të vendndodhjes së botuesit, ose ka adresë të papërshtatshme (p.sh., një revistë amerikane e gjuhësisë nuk do të duhej të publikohej në Bangalore, India)
• Ka Bord redaktues të përbërë nga një numër i madh i anëtarëve të panjohur nga e gjithë bota
• Përdor gjuhë të varfër gjatë korrespodencës
• Ju kontakton direkt dhe në mënyrë të pashpjegueshme (pa ju njohur)
• Botohet më shumë se 4 herë në vit
• E-mail adresa e saj është private dhe nuk është e lidhur me ndonjë institucion përkatës
• Pronari i shtëpisë botuese njëkohësisht është edhe redaktor i një numri të madh i revistave të tjera të botuara
• Nuk ka procedurë të qartë të botimit
• Jep tregues të rrejshëm të Faktorit të ndikimit, ose ofron faktorë të posaçëm të ndikimit
• Mashtron, kur e deklaron indeksimin (p.sh. në bazën e të dhënave të indekseve që nuk ekzistojnë ose citojnë përfshirjen e tyre në bazat e të dhënave legjitime dhe prestigjioze të indekseve, ku ajo nuk mund të bënë pjesë)
• Botuesi ka ueb faqe tërheqëse pa ndonjë bazë reale (p.sh. në katalogë prezantohet si "Botues me emër", por ka përvojë të paktë në botime)

Karakteristikat e një reviste të mirë:

• Është e njohur në fushën përkatëse
• Është e përqendruar dhe ka temë të qartë
• Bashkëpunon me botues të caktuar, universitet ose institucion
• Nuk ka tarifë publikimi, ose ajo është minimale (për autorin)
• Bordi redaktues i saj përbëhet nga individë të njohur në fushën përkatëse
• Kohën e përgjigjes për shqyrtimin e botimit e ka më të gjatë
• Hedh poshtë ose parashtron kërkesa shtesë për përmirësime
• Jep këshilla të qarta dhe informative të shqyrtuesve, me referenca specifike të lëmisë
• Shpall thirrje për punime, por nuk ju kontakton personalisht që të aplikoni në këtë shpallje
• Punimet e botuara përmbajnë numër DOI

Karakteristikat e një konference të keqe:

• Mbahet në ndonjë hapësirë të hotelit, ose të marrë me qira, jo në një universitet apo institucion tjetër intelektual
• Ka një temë të paqartë, e cila përfshin shumë disiplina
• I promovon seancat paralele për të akomoduar një numër të madh të aplikuesve
• Në komitetin organizativ përfshihen njerëz nga e gjithë bota, por jo individë nga vendi ku mbahet konferenca
• Ofrohen akomodime turistike ose SPA
• Ju premtojnë se do të botoj punime që do të “dërgohen” për indeksim ose rangim  
• Kostoja e regjistrimit është në mënyrë jo proporcionale e lartë nëse mund të krahasohet me atë që merr pjesëmarrësi (ushqim, përmbledhje të abstrakteve, etj.)
• Përdoret gjuhë e varfër në Thirrjen publike ose korrespondencë pasuese
• I nxitë prezantimet 'virtuale'

Karakteristikat e një konference të mirë:

• Ka temë të caktuar dhe të qartë
• Mbahet në një universitet, ose institucion tjetër lidhur me punën akademike apo hulumtimin
• Ka një komitet organizativ të njohur, ose të paktën shihet qartë lidhja me institucionin ose vendndodhjen
• Ka shpjegim të qartë dhe të arsyeshëm të asaj se çfarë mbulon dhe përfshinë tarifa e konferencës  
• Shpjegon qartë se çfarë marrëveshje botimi, nëse ka, do kenë punimet e prezantuara
• U jep përparësi prezantimeve me prani fizike

Aksesorët për vlerësimin e botuesve

• Botuesit e besuar me qasje të hapur: Open Access Scholarly Publishers Association (OASPA) 
  http://oaspa.org/membership/members/
• Think. Check. Submit. campaign to help researchers identify trusted journals for their research.

Shini gjithashtu artikujt:

• John Bohannon “Veçoritë: si të rrëmbeni një revistë” 
  http://www.sciencemag.org/news/2015/11/feature-how-hijack-journal
• “Pse ju duhet të brengoseni për rritjen e revistave grabitqare dhe shkencën e keqe që ato publikojnë” 
  http://theconversation.com/why-you-should-care-about-the-rise-of-fake-journals-and-the-bad-science-they-publish-72130
• Christine Laine & Margaret A. Winker, “Identifikimi i revistave grabitqare ose pseudo revistave – WAME”, Shkurt 2017 
  http://www.wame.org/identifying-predatory-or-pseudo-journals

Nëse keni ndonjë pyetje lidhur me cilësinë e revistës ose botuesit, ju lutem kontaktoni:

Zyrën për hulumtime të UEJL-së