Simpozium për veprimtarinë e poetes amerikane Sylvia Plath me rastin e 50 vjetorit të vdekjes

Simpoziumi u hap nga pro-rektori për çështje akademike i Universitetit, Prof. Endrju Gudspid (Andreë Goodspeed) dhe kreu i Departamentit të Gjuhës dhe Letërsisë Angleze, Prof. Benxhamin Kiting (Benjamin Keatinge), i cili njëherit mbajti fjalimin hyrës mbi "Ri-leximin e poezive të Arielit" (On Re-Reading the Ariel Poems’). Simpoziumi më tej vijoi prezantimin e mysafires, Prof Loreta Gjeorgievska-Jakovleva nga Instituti për Letërsi Maqedonase në Universitetin Shën Kirili dhe Metodi, Shkup, e cila prezantoi temën "Sylvia Plath në kontekstin maqedonas”. Studentët e Departamentit të Anglishtes në UEJL-së mbajtën dy prezantime dhe recitale para të pranishmëve: Berin Ismaili, Egzona Saiti, Suada Murati studente të vitit të parë dhe: Adelina Ramadani, Elona Mustafi studente të vitit të tretë. Me tej simpoziumi vijoi me garat recital mbi poezinë e Sylvia Plath. 40 nxënës visitorë të shkollave të mesme recituan nga një poezi të Sylvia Plath dhe juria e përbërë nga, Prof Benjamin Keatinge dhe Estela Eaton, vlerësuan leximet e tyre mbi shqiptimin, tonin, theksin, dhe vëllimin. Fituesit e këtij edicioni ishin: Arzana Asllani, shkolla e mesme "Sami Frasheri", Kumanovë, vendin e pare Merjem Rexhepi, gjimnazi"Kiril Pejcinoviq", Tetovë, morri vendin e dytë Teodora Angeleska, shkolla e mesme "Orce Nikolov"Shkup, morri vendin e tretë.

Pas garës në recitim, simpoziumi përfundoi me një prezantim nga, Estela Eaton ‘Mbi veprimtarinë e Sylvia Plath në aftësimin e gjuhës angleze” dhe një prezantim i fundit i cili u mbajt nga i ftuari i dytë në këtë simpozium, ProfMishel Pavlovski nga Instituti për letërsi maqedonase pranë Universitetit Shën Kirili dhe Metodi, Shkup, i cili foli mbi ‘Jetën Filmin dhe Veprimtarinë e Sylvia Plath’. U ndanë çertifikata për të gjithë prezantuesit gjithashtu edhe për të gjithë pjesëmarrësit e këtij simpoziumi, që përfshiu mësimdhënës, nxënës dhe studentë nga e gjithë Maqedonia.