Prorektori i UEJL-së Abdylmenaf Bexheti mbajti një ligjëratë për nxënësit të Shkollës së Mesme Ekonomike ‘’8 Shtatori’’ në Tetovë

Interesimi ndër nxënësit e kësaj shkolle ishte i madh për të ndjekur këtë ligjëratë. Paraprakisht, prorektori Abdylmenaf Bexheti bëri një prezantim lidhur me mundësitë që i ofron Universiteti i Evropës Juglindore, duke i ftuar nxënësit dhe stafin që më shpesh ta vizitojnë kampusin e UEJL-së.

Gjithashtu, u dhanë edhe sqarime për mundësitë dhe vështirësitë në të cilat hasin të rinjtë sot në zhvillimin e karrierës së tyre me ç’rast profesor Bexheti vuri në pah se karriera gjithmonë duhet bazuar në arsimimin dhe edukimin cilësor, duke e pasur parasysh konkurrencën gjithnjë e më të madhe që mbizotëron në tregun e punës.

Pas ligjëratës u zhvillua edhe një takim me drejtoreshën e shkollës dhe ekipin e saj.

Në këtë takim është diskutuar për gjendjen momentale tek nxënësit e viteve të katërta, të cilët vitin e ardhshëm, do të regjistrohen në fakultete, duke shprehur gatishmëri për të ofruar informacione rreth mundësisë së regjistrimit në UEJL.