COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Në UEJL do të mbahet konferenca ndërkombëtare “Marrëveshja Kornizë e Ohrit: drejt anëtarësimit të Maqedonisë në Bashkimin Evropian dhe NATO”

Konferenca organizohet nga Universiteti i Kolumbisë - Programi për Ndërtim të Paqes dhe të Drejtave të Njeriut, Fakulteti Juridik dhe Fakulteti Filozofik i Universitetit “Shën Kirili dhe Metodi”, Universiteti i Evropës Juglindore (UEJL) dhe Universiteti Shtetëror i Tetovës (USHT), dhe do të mbahet në Tetovë më 20 qershor 2011 nga ora 9:00 në Kampusin e UEJL-së, ndërkaq më 21 qershor 2011 nga ora 8:30 në Rektoratin e Universitetit “Shën Kirili dhe Metodi” në Shkup.

Në konferencë do të shqyrtohet përparimi dhe sfidat e Maqedonisë që nga Marrëveshja Kornizë e Ohrit. Në këtë konferencë do të marrin pjesë përfaqësues të bashkësisë ndërkombëtare të cilët ndihmuan në ndërmjetësimin e marrëveshjes, si dhe negociatorët nga Maqedonia. Në konferencë do të angazhohen përfaqësuesit rajonalë, të cilët do të sjellin perspektivat e tyre, si dhe studiues eminentë nga Maqedonia në fushën e qeverisjes, ekonomisë, shoqërisë dhe kulturës.

Përveç kësaj, do të marrin pjesë: Ambasadori i Shteteve të Bashkuara të Amerikës, Ambasadori i Bashkimit Evropian, Ambasadori i Mbretërisë së Bashkuar dhe Ambasadori i Suedisë, si dhe anëtarë të tjerë të komunitetit diplomatik në Shkup. Ne u jemi mirënjohës për mbështetjen dhënë konferencës.

Google+