UEJL forcon bashkëpunimin me ZBW – Leibniz Information Centre for Economics

Si biblioteka më e madhe në botë për ekonomi dhe një qendër udhëheqëse ndërkombëtare e informacionit shkencor, ZBW u ofron studiuesve dhe studentëve qasje në burime të nivelit të lartë shkencor dhe zhvillon EconBiz, një nga portalet më të rëndësishme globale për kërkim në ekonomi dhe studime të biznesit.

Në kuadër të Memorandumit të Bashkëpunimit, i cili është ripërtërirë së fundmi, UEJL do të vazhdojë të promovojë përdorimin e platformës EconBiz dhe të forcojë bashkëpunimin akademik ndërkombëtar, duke krijuar mundësi të reja për studentët, studiuesit dhe stafin akademik.

Ky partneritet pasqyron angazhimin e përbashkët për mbështetjen e kërkimit shkencor, mësimdhënies cilësore dhe inovacionit, si dhe për zhvillimin e një mjedisi akademik të lidhur me rrjetet dhe burimet më të avancuara ndërkombëtare.