UEJL shpreh ngushëllime për tragjedinë në Koçanë

Në një telegram ngushëllimi, në emër të Rektorit Akad. Prof. Dr. Abdylmenaf Bexheti, stafit akademik dhe administrativ, si dhe studentëve, UEJL shpreh dhimbjen dhe solidaritetin me familjet e viktimave dhe të lënduarve.

"Ndajmë dhimbjen me familjet e viktimave dhe lutemi për shërimin e shpejtë të të lënduarve. Solidarizohemi me të gjithë ata që po kalojnë këto çaste të rënda dhe qëndrojmë pranë komunitetit të prekur nga kjo fatkeqësi e rëndë," thuhet në telegramin e ngushëllimit.

UEJL uron që të lënduarit të shërohen dhe që familjarët e viktimave të gjejnë forcën për ta përballuar këtë humbje kaq të madhe.