UEJL dhe ITSHKSH do të nënshkruajnë Memorandum për programe të përbashkëta të doktoraturës në shkencat kulturologjik, historike dhe albanologjike

Gjatë takimit, përveç prezantimit të aktiviteteve të të dy institucioneve, të dy palët u pajtuan për nënshkrimin e Memorandumit për bashkëpunim, në veçanti realizimin e programeve interdisiplinare të ciklit të tretë (doktoraturës), në shkencat kulturologjike, historike dhe albanlogjike.

Me insistim të Institutit të Trashëgimisë Shpirtërore e Kulturore të Shqiptarëve në bashkëpunim me UEJL-në, do të përgatitet program i përbashkët në studimet e ciklit të tretë, duke shkëmbyer përvoja dhe staf të përbashkët në aspektin e programeve kulturologjike, historike e albanlogjike, në veçanti me Fakultetin e Shkencave Shoqërore Bashkëkohore dhe Institutin “Maks van der Shtul”.

Universiteti i Evropës Juglindore, do të ofrojë përvojën dhe sistemin e cilësisë për këto studime dhe kuadro specifike, duke filluar nga krijimi i profileve, së pari për institutin e pastaj edhe për komunitetin e gjerë në disiplina të veçanta për të cilat ka nevojë Instituti i Trashëgimisë Shpirtërore e Kulturore të Shqiptarëve dhe shoqëria në përgjithësi.