Explore Campus 360°
Rektori Bexheti, në fjalimin e rastit e falënderoi drejtorin dhe stafin e Fondit për Inovacion dhe Zhvillim Teknologjik, duke theksuar se laboratori i ri do t’iu shërbejë studentëve dhe profesorëve në realizimin e punës praktike, por do të jetë shumë i dobishëm edhe për komunitetin më të gjerë, në veçanti komunitetin e biznesit.
“Nuk ka dobi më të madhe se investimi në inovacione, në arsim dhe në shkencë”, tha mes tjerash në fjalimin e tij Rektori Bexheti.
Aktualisht Universiteti i Evropës Juglindore ka hapur laboratorë të specializuar në kuadër të Fakultetit të Shkencave Shëndetësore për drejtimin e Infermierisë dhe Fizioterapisë, laboratorin e Forenzikës në kuadër të Fakultetit të Drejtësisë dhe Laboratorin e Realitetit Virtual dhe të Augmentuar, në kuadër të Fakultetit të Shkencave dhe Teknologjive Bashkëkohore, si dhe laboratorë multimedial në kuadër Qendrës për Shkathtësitë e së Ardhmes.