COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Studentët e Arkitekturës dhe Dizajnit e mbajtën ekspozitën e katërt me punimet e tyre semestrale

Studentët e vitit të parë dhe të dytë të drejtimit Arkitekturë dhe Dizajn, sot (29.06.2022), e mbajtën ekspozitën e katërt me radhë, me punimet e tyre të realizuara sipas semestrave.

„Arritjet e juaja për këto 2 dhe 4 semestra, me këto punime të ekspozuara na bëjnë të gjithëve krenarë dhe na bindin se investimet që i kemi bërë në këtë program studimor ia kanë vlejtur dhe është investim i shpagueshëm në kuptimin social”, tha në fjalimin e tij Rektori i Universitetit të Evropës Juglindore, Akad. Prof. Dr. Abdylmenaf Bexheti.

Rektori u Bexheti u bëri thirrje që t’i ndjekin trendët e fundit të arkitekturës dhe dizajnit, posaçërisht përshtatjen me objektivat dhe kriteret të OKB-së, si dhe trendëve europerëndimore të qëndrueshmërisë dhe efiçencës energjetike. Ai i porositi studentët që në punën e tyre të kenë parasysh shfrytëzimin e burimeve dhe produkteve lokale.

Punimet e studentëve përfaqësojnë vazhdimësi në nxënie dhe vizion, kurse aspiratat e tyre për botën e pasluftës, pas urisë dhe botën pas naftës janë përplot optimizëm.

Në ekspozitë morën pjesë studentë, prindër dhe staf të UEJL-së.

Google+