Explore Campus 360°
“Universiteti i Evropës Juglindore mbetet një model i universitetit shumëgjuhësor, liberal, me politikë ekuidistance ndaj të gjithëve dhe me përdorim fleksibël të gjuhëve e ky atribut e bënë atë të veçantë. Nuk ka vend më ideal se universitetet, e në këtë rast me mundësi më ideale se UEJL-ja, ku mund të trajtohet tema e kësaj tryeze”, tha në fjalën e tij, Rektori Akad.Prof. Dr. Abdylmenaf Bexheti, i cili njëkohësisht falënderoi ambasadorin Baumgarten dhe institucionet franceze për përzgjedhjen e Universitetit tonë për realizimin e këtij projekti.
Rektori Bexheti, tha se, gjatë takimit paraprak me ambasadorin Baumgartner, i shqyrtuam mundësitë e bashkëpunimit, ku së bashku konstatuam se bashkëpunimi mes UEJL dhe universiteteve franceze mund të realizohet në tre komponentë, edhe atë: bashkëpunimi akademik, në zhvillimin e kurrikulave interdisiplinare ndërmjet shkencave sociale dhe atyre teknike; avancimi i hulumtimeve shkencore, ku këtu Instituti MVDSH i bashkon fakultetin e shkencave sociale dhe atë teknike në zhvillimin e hulumtimeve të përbashkëta dhe komponenti i tretë është impakti social i Universitetit.
Ambasadori i Francës, Ciril Baumgartner, në fjalim e tij, tha se pas Shkupit, në qendër të bashkëpunimit është Tetova dhe në kuadër të këtij partneriteti “Universiteti i Evropës Juglindore është i renditur shumë lart në listën e bashkëpunimit si për Alenacën Franceze të Tetovës dhe Ambasadës së Francës”.
Në këtë tryezë, me fjalimet e tyre u prezantuan, Leila Lankarani, UFC (online), Gordan Georgiev, Forum for Reasonable Policies, Ardita Abazi, European Policy Institute, Bujar Luma, OJQ “Loja”, Frederic Spagnoli, UFC dhe Albulenë Halili, MVDSI-UEJL.
Tryeza u moderua nga drejtori i IMVDSH, Prof. Dr. Veli Kreci, Frederic Spagnoli, nga UFC dhe Bujar Sinani, udhëheqës i Zyrës për bashkëpunim ndërkombëtar.