COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

U mbajt ligjërata e anëtarësimit të Akad. Prof. Dr. Abdylmenaf Bexhetit në Akademinë e Shkencave dhe Arteve të Kosovës

Për shkak edhe të rrethanave të pandemisë Kovid 19, gati me një vit vonesë, dje(2 dhjetor 2021), u realizua ligjërata e anëtarësimit të Akad. Prof. Dr. Abdylmenaf Bexhetit në Akademinë e Shkencave dhe Arteve të Kosovës në Prishtinë, me c ’rast konform normave të Akademisë, anëtarit iu dorëzua Fletëdëshmia nga kryetari i Akademisë, Akad. Mehmet Kraja.

Auditori i respektuar me Kryesinë e Akademisë, anëtarëve të Akademisë, profesorëve universitar dhe hulumtuesve tjerë, shijoi këtë prezantim sa shkencor e erudit, po aq edhe tërheqës, bile edhe për joekonomistë.

Ligjërata e anëtarësimit ishte nga fusha e politikave makroekonomike me theks në politikat fiskale në rastin e Republikës së Maqedonisë së Veriut dhe Republikës së Kosovës.

UEJL-i si institucion i arsimit të lartë dhe shkencor e falënderon Akademinë nikoqire për vlerësimin dhe pritjen vëllazërore që i bënë një pjese të stafit të UEJL-it që morën pjesë në këtë ngjarje.

Google+