Rektori i Universitetit të Evropës Juglindore, Akad. Prof.Dr. Abdylmenaf Bexheti të gjithë shqiptarëve ua uron 22 Nëntorin –Ditën e Alfabetit të Gjuhës Shqipe.

“Para dy ditëve, ne festuam Ditëlindjen e UEJL-së, ndërsa sot festojmë 113 vjetorin e Alfabetit të Unifikuar të Gjuhës Shqipe. Universiteti dhe gjuha shqipe pashmangshëm janë të lidhura me njëra –tjetrën. Universiteti si tempull i arsimimit sipëror dhe Dita e Alfabetit si fondament i identitetit tonë gjuhësor dhe kulturor. Qoftë e përjetshme kjo lidhje dhe prosperiteti jonë në të gjitha fushat”, thuhet në urimin e Rektorit Bexheti.