COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Në Universitetin e Evropës Juglindore u hap Qendra e parë për Aftësi të Reja në Maqedoninë e Veriut

Në Universitetin e Evropës Juglindore, të enjten (4 nëntor), u hap Qendra për Aftësi të Reja #SkillsNext, realizimi i së cilës u mundësua në kuadër të projektit “Tejkalimi i hendekut te aftësitë për të krijuar vende pune të reja dhe më të mira”, i përkrahur nga Ambasada e Britanisë së Madhe, programi i Kombeve të Bashkuara për Zhvillim-UNDP, Fondi për Inovacion dhe Zhvillim Teknologjik dhe Universiteti i Evropës Juglindore.

Në hapjen solemne fjalim rasti mbajtën: ambasadorja e Britanisë së Madhe në Shkup, Rejçell Gallovej (Rachel Galloway), përfaqësuesi i përhershëm i UNDP-së Armen Grigoryan, drejtori i Fondit për Inovacion dhe Zhvillim Teknologjik, Kosta Petrov dhe në cilësinë e nikoqirit Rektori i Universitetit të Evropës Juglindore, Akad. Prof. Dr. Abdylmenaf Bexheti.

Rektori i Universitetit të Evropës Juglindore, Akad. Prof. Dr. Abdylmenaf Bexheti, në fjalimin e tij të rastit, tha se ndjehet shumë i kënaqur që hapja e kësaj qendre dhe realizimi i këtij projekti është në vazhdën e krijimit të laboratorëve për mësim praktik dhe trajnime shkathtësie (Labs4Practical Education) për mendim dhe veprim kreativ, të cilët ne i quajmë laboratorë për mësim praktik.

“Ky është laboratori i tretë që ne e hapim brenda një viti në Universitetin e Evropës Juglindore, duke filluar nga Laboratori i Forenzikës në Fakultetin Juridik, Qendrën iCan në Gostivar dhe tani Qendrën për Aftësi të Reja këtu në kampusin në Tetovë. Mund të them se tregu jonë i punës është shumë asimetrik dhe nëpërmjet këtyre projekteve po japim kontributin tonë për të zvogëluar hendekun ndërmjet tregut të punës dhe arsimimit”, tha Rektori Bexheti.

Rektori Bexheti i falënderoi të gjithë palët e përfshira në realizimin e këtij projekti, duke theksuar se qendrat e këtilla na mundësojnë që ta transformojmë arsimimin nga ekskatedra në arsimim aplikativ.

Në kuadër të Qendrës, profesionist, praktikantë dhe studentë do të ndjekin trajnime të specializuara në fushën e industrisë së tekstilit, ndërtimtarisë dhe bujqësisë.

Google+