COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Profesorit Dan Fellnerit iu nda bursa Fulbright Specialist për të ligjëruar në Universitetin e Evropës Juglindore në Maqedoninë e Veriut

Dan Fellner, bashkëpunëtor i Qendrës Melikian të Universitetit Shtetëror të Arizonës për Studime Ruse, Euroaziatike dhe Evropës Lindore, ka fituar bursën prestigjioze Fulbright Specialistit për të ligjëruar këtë vjeshtë në Universitetin e Evropës Juglindore në Republikën e Maqedonisë së Veriut.

Ai do të mbajë leksione mbi komunikimet ndërkulturore, sistemet mediatike dhe tema të tjera që lidhen me studimet amerikane gjatë një periudhe pesë-javore duke filluar në fillim të tetorit.

Në vitin 2019, Prof. Fellneri kaloi gjashtë javë në Maqedoninë e Veriut si Fulbright Specialist në Universitetin Shën Kirili dhe Metodi në Shkup. Gjatë asaj kohe, ai gjithashtu mbajti një ligjëratë si i ftuar në Universitetin e Evropës Juglindore në kampusin e Shkupit mbi rëndësinë e mediave të lira në zhvillimin e demokracisë.

Kur Fellneri nuk jep mësim, ai punon si shkrimtar dhe fotograf i pavarur i udhëtimeve. Ai ka vizituar të 50-të shtetet e SHBA-ve, mbi 120 vende dhe ka botuar më shumë se 100 artikuj udhëtimesh në gazeta dhe revista të ndryshme në botë.

Programi Fulbright është programi kryesor i shkëmbimit arsimor ndërkombëtar i sponsorizuar nga Departamenti i Shtetit i Sh.B.A-ve. Programi Fulbright Specialist siguron bursa për akademikë dhe profesionistë të Sh.B.A-ve për të punuar në partneritet me institucione akademike, jofitimprurëse dhe kulturore në mbi 100 vende. Bursat variojnë nga dy deri në gjashtë javë.

Google+