Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Debat për sfidat e punësimit dhe punësimi i të rinjve

"Sfidat, mundësitë dhe masat për të rritur punësimin dhe punësimin e të rinjve", ishte tema e diskutimit në formën e town-hall takimeve, që u mbajt të enjten (3 qershor 2021), në UEJL, në organizim të Qendrës për Edukim dhe Zhvillim (CED) në kuadër të projektit "Mbështetje për Reformat Zgjedhore" të Agjencisë Zvicerane për Zhvillim dhe Bashkëpunim (SDC), zbatuar nga Fondacioni Ndërkombëtar për Sistemet Zgjedhore (IFES) në partneritet me Këshillin Kombëtar Rinor të Maqedonisë (KKRM).

Rektori i Universitetit të Evropës Juglindore, Akad. Prof. Dr. Abdylmenaf Bexheti, foli për temën “Edukimi përkundrejt sfidave dhe mundësive të tregut”, ku theksoi asimetrinë e tregut të punës në Maqedoninë e Veriut, përpjekjet që Universiteti bënë për të kontribuuar në ofrimin e profileve që i kërkon tregu i punës dhe krijimin e mundësive për punësimin e studentëve dh të rinjve në përgjithësi.

Dekani i Fakultetit të Shkencave Shoqërore Bashkëkohore, Prof. Dr. Memet Memeti, foli për temën: “Bashkëpunimi midis Akademisë dhe punëdhënësve të mundshëm si një domosdoshmëri për të rritur punësimin e të rinjve”.

Ngjarjen e shpalli të hapur, Metin Muaremi, kryetar i Qendrës për Zhvillim dhe Edukim, i cili falënderoi UEJL-në për bashkëpunimin dhe kontributin e dhënë dhe prezantoi lidhur me qëllimin e takimit.

Në këtë diskutim morën pjesë edhe këshilltari special për punën dhe politikën sociale në Kryeministrin e Maqedonisë së Veriut, Milan Zivkoviç, koordinatori për arsimin e lartë, Agjencia Kombëtare për Moblitet dhe Programet Arsimore Astrit Rexhepi dhe Znj. Qanije Selimi - pronare dhe menaxhere e REA Center, Tetovë.



Më shumë lajme

Google+