COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Urimi i Rektorit Bexheti për 28 Nëntor- UEJL begaton festat e nëntorit si vlerë kombëtare

Në kujtesën tonë kolektive 28 Nëntori dhe datat tjera që i paraprinë kësaj date përfundimisht e radhitën kombin tonë përkrah popujve të përparuar dhe vlerave të civilizimit perëndimor.

Pikërisht në këtë muaj, kur lindi Alfabeti Unik i Gjuhës Shqipe, u ngrit Flamuri Kombëtar, u shpall Pavarësia Kombëtare, edhe pse disa dekada më vonë, lindi edhe Universiteti jonë për ta begatur këtë muaj me vlerat e vërteta kombëtare.

Në ditë festash është e udhës që të reflektojmë për të ardhmen më të mirë të brezave që vijnë, që t’iu trashëgojmë vlera me të cilat do të jenë krenarë. Flamuri kombëtar shqiptar në vete i mbart të gjitha këto vlera dhe më së miri përfaqëson idealin e të gjithë shqiptarëve për të qenë pjesë e pandashme e zhvillimit dhe vlerave të përbashkëta evropiane.

Urime 28 Nëntorin dhe Ditën e Flamurit Kombëtar Shqiptar dhe le të jetë ky flamur i përjetshëm e simbol i unitetit kombëtar në rrafshin global.

Akademik Prof. Dr. Abdylmenaf Bexheti,

Rektor i Universitetit të Evropës Juglindore

Google+