Mr. Florim Ajdini, ka marrë pjesë në konferencën ndërkombëtare “Kongres Kombëtar, Shkollë Kombëtare”, në Elbasan të Shqipërisë

Tema e Prof. Florim Ajdini ishte e fokusuar në theksimin e aspekteve krahasuese të Normales së Elbasanit me arsimin aktual në universitete, të cilët punojnë sipas principit të Kartës së Bolonjës, ku aderon edhe Universiteti i Evropës Juglindore. Ai u përqendrua në çështjet, që lidhen me rolin e projekteve kombëtare dhe ndërkombëtare në UEJL dhe në kontekst të përparësive në mësimdhënie dhe përhapjen e praktikave të reja në arsim dhe në plan-programet e modifikuara të Fakultetit të Gjuhëve, Kulturave dhe Komunikimit. Ai, po ashtu e theksoi nevojën e vazhdueshme për programe të reja ndër disiplinare, të cilat aktualisht paraqesin të vetmen rrugë për tu përballur me konkurrencën në arsimin e lartë në rajon dhe më gjerë, si dhe në përgatitjen e stafit të kualifikuar, të aftë dhe duke qenë në gjendje për t’u  përballur me kërkesat e tregut të punës dhe me sfidat e kohës.