Vizitë e përfaqësuesve të Ambasadës Gjermane në UEJL

Përfaqësuesit e Departamentit të Gjermanishtes me këtë rast falënderuan stafin e Ambasadës gjermane për vizitën dhe interesimin e tyre për UEJL resp. Departamentin e Gjermanishtes. Ndër të tjera u potencua nga të dy anët se vizitat e tilla i kontribuojnë thellimit të bashkëpunimit ndërinstitucional.

Ambasada e Gjermanisë vlerësoi lartë veprimtarinë e Departamentit të Gjermanishtes, i cili jep kontribut të pamohueshëm për përgatitjen e mësimdhënësve të gjermanishtes, si gjuhë e huaj, si dhe për përhapjen e gjermanishtes si gjuhë e huaj në rajon. Gjithashtu nga pala gjermane u tha se Ambasada gjermane mbetet e dhe më tutje e angazhuar për vazhdimin e bashkëpunimit dhe marrëdhënieve edhe ashtu të shkëlqyera me UEJL-në. Institucion ky,  i cili tanimë vite me radhë nxjerrë kuadro të kualifikuara në mënyrë të shkëlqyeshme, të cilat tashmë po luajnë një rol të rëndësishëm në integrimin e vendit tonë në UE.