Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



Edita Bytyqi nga Universiteti i Kolumbia prezantoi për inteligjencën artificiale

Edita Bytyqi, hulumtuese e re në Universitetin e Kolumbisë, Fondacioni Fu i Shkollës për Inxhinieri dhe Shkenca të Aplikuara, të mërkurën (12 qershor 2019), në organizim të Institutit “Maks va nder Shtul”, mbajti prezantimin e titulluar "Si do ta formojë të ardhmen tonë inteligjenca artificiale". Edita, prezantimin e ka realizuar në kuadër të punës praktike që si studente e Universitetit të Kolumbias e kryen në Universitetin e Evropës Juglindore.

Në prezantimin e saj, ajo sqaroi disa dilema etike që janë aktuale lidhur me zhvillimin e inteligjencës artificiale, si dhe përshtatjen e qenieve njerëzore me këtë zhvillim teknologjik.

Në prezantim morën pjesë edhe mësimdhënës të lëndës së fizikës nga shkollat e mesme të Tetovës.

Edita është shkencëtare shumë premtuese nga Maqedonia e Veriut me bursë të plotë në Universitetin Kolumbia. Gjatë periudhës së praktikës së saj në Institutin “Maks va nder Shtul ajo ka punuar në projektin e Inteligjencës Artificiale.

Ngjarje ishte e hapur për publikun dhe për diskutim interaktiv dhe rrjetëzim.



Më shumë lajme

Google+