Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Rektori Bexheti panelist në konferencën për reformat fiskale me rastin e Ditës së Buxhetit

Rektori i Universitetit të Evropës Juglindore, Akad. Prof. Dr. Abdylmenaf Bexheti, në cilësinë e panelistit, mori pjesë në konferencën e dytë vjetore të organizuar nga Ministria e Financave, me temë: “Reformat fiskale për zhvillim të barabartë”, që u mbajt sot (3 prill 2019), në Kuvendin e Maqedonisë së Veriut.

Konferenca mbahet me rastin e Ditës së Buxhetit, ose 27 vjetorit të miratimit të Buxhetit të parë të Republikës së Maqedonisë së Veriut. Folës kryesor në konferencë ishte përfaqësuesi i BE-së në Shkup, Sejmuel Zhbogar.

Rektori Bexheti ishte njëri nga katër panelistët kryesor të konferencës, edhe atë ministrit të Financave, Dragan Tevdovski, përfaqësuesit të përhershëm i FMN-së për Serbinë dhe Maqedoninë e Veriut, Sebastian Sosa dhe menaxherja për makroekonomi në Bankën Botërore për Evropën dhe Azinë Qendrore, Galina Andronova.

Google+