Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Ministria e arsimit e përkushtuar për ngritje permanente të cilësisë – UEJL modeli i dëshiruar.

Rektori i Universitetit të Evropës Juglindore, Akad. Prof. Dr. Abdylmenaf Bexheti, sot (13 mars 2019), priti në një vizitë pune ministrin e Arsimit dhe Shkencës së Maqedonisë së Veriut, z. Arbër Ademi.

Takimi kishte karakter konsultativ për arsimin sipëror, me theks të veçantë optimizimin e cilësisë dhe krijimin e modeleve të qëndrueshme në financimin e arsimit të lartë. Posaçërisht, u diskutua modeli që Banka Botërore e dizajnon për financimin e arsimit të lartë.

Rektori Bexheti e falënderoi ministrin Ademi për përkrahjen e vazhdueshme që institucionet ia japin Universitetit, si dhe për avancimin e pozitës së Universitetit në entitet të posaçëm fiskal në buxhetin e Republikës së Maqedonisë së Veriut.

“Ne do të vazhdojmë të prodhojmë kuadro dhe rezultate cilësore e për pasojë institucionet, do vazhdojnë të na përkrahin”, tha Rektori Bexheti.

Google+