Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Rektori Bexheti: Në UEJL përfaqësimi i femrave e tejkalon 50 përqindëshin

Me rastin e Ditës së Gruas – 8 Marsit, sot në Universitetin e Evropës Juglindore, rektori Akad. Prof. Dr. Abdylmenaf Bexheti, së bashku me anëtarët e menaxhmentit e mbajt një takim me të punësuarat e UEJL-së në shenjë falënderimi për kontributin dhe përkushtimin e tyre në punë.

“Ne si Universitet, në kuptimin pozitiv, mburremi se nuk pasqyrojmë realitetin shoqëror, sa i përket përfaqësimit të femrës në të gjitha nivelet. Në UEJL, si në stafin akademik, administrativ, por edhe në numrin e studentëve mbi 50% janë femra.”, tha në fjalimin e rastit rektori Bexheti.

Përveç koktejit, të organizuar enkas, të gjitha të punësuarave të pranishme në këtë takim, simbolikisht rektori Bexheti u dhuroi lule.

Google+