Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Studentët e Fakultetit të Biznesit dhe Ekonomisë e vizituan Bankën Popullore të RM

Të premten më 7 dhjetor 2018, studentët e vitit të dytë Tetovë, Shkup, si dhe studentët e vitit të tretë drejtimi Financa dhe kontabilitet të Fakultetit të Biznesit Tetovë/UEJL, nën udhëheqjen e Prof. Dr. Jeton Mazllami e vizituan Bankën Popullore të R. Maqedonisë (BPRM).

Në BPRM studentët u pritën nga zëvendësguvernatori Fadil Bajrami, si dhe nga stafi i tij. Me këtë z. Bajrami e vlerësoj lartë bashkëpunimin FBE me BPRM. Ai theksoi kontributin e grupit të profesorëve të FBE nën udhëheqjen e Prof. Jetonit, në drejtim të raportimit shqip të BPRM. Ai shprehi gatishmërinë e rritjes së bashkëpunimit me FBE, duke stimuluar studentët e mire të kyçen në punë praktike në BPRM.

Studentët më pas patën rastin të dëgjojnë ligjëratën nga ekspertja e ekonomisë monetare në BPRM Egzona Hani Selimi me temë: “Politika monetare e BPRM-së dhe projeksionet e fundit makroekonomike”.

Studentë në debatin e hapur në fund të ligjëratës u inkorporuan në mënyrë aktive me pyetje dhe komente tejet konstruktive.

Studentët më pas vizituan Muzeun e parave të vjetra.

Google+