Komisioni i Venedikut publikoi raportin paraprak për “Lex CEU”

Në raportin paraprak të Komisionit të Venedikut të Këshillit të Evropës, i bërë publik më 11 gusht, theksohet se Hungaria nuk duhet të zbatoj ndalesa të reja ndaj universiteteve të huaja, përveç atyre që aktualisht janë në fuqi në këtë shtet, duke përfshirë këtu edhe Universitetin e Evropës Qendrore. Njëri nga tre autorët e këtij raporti është kryetari i Bordit të Universitetit, Prof. Dr. Dennis Farrington. Raporti final pritet të miratohet në mbledhjen plenare të Komisionit, që do të mbahet në tetor të këtij viti. Raportin paraprak në tërësi mund ta lexoni në ueb faqen e Komisionit.