Me një solemnitet rasti, Universiteti i Evropës Juglindore e shënoi 7 Marsin – Ditën e arsimit shqip. Në praninë e rektorit, Prof. Dr. Zamir Dika, provostit, Prof. Dr. Adrew Goospead, stafit akademik dhe studentëve, këtë ceremoni me një fjalim rasti e hapi Doc. Dr. Demush Bajrami, këshilltar ekzekutiv për komunikim, i cili theksoi se "7 Marsi është një histori e pasur e arsimit tonë, por ne si shoqëri duhet ta mbindërtojmë vetveten me performansa zhvillimore. Prandaj, misioni i 7 Marsit vazhdon të jetë aktual edhe sot", tha ai.
Prof. Dr. Zeqir Kadriu,shef i Katedrës së gjuhës shqipe, theksoi nevojën e bërjes së dallimit mes shkollës së parë institucionale shqipe dhe fillimeve të para të arsimimit në gjuhën shqipe. “Shqiptarët edhe para hapjes së shkollës së parë shqipe kishin zhvilluar aktivitete arsimore, por hapja e shkollës së parë shqipe ishte një akt institucional, që shënoi fillimin e institucionalizimit të shkollimit të shqiptarëve”, tha prof. Kadriu.
Në këtë manifestim, me recitale u prezantuan studentë të Fakultetit të Gjuhëve, Kulturave dhe Komunikimit.
UEJL shënoi 7 Marsin- Ditën e Arsimit Shqip
9 mars 2017UEJL shënoi 7 Marsin- Ditën e Arsimit Shqip
Më shumë lajme
- UEJL shënon 25-vjetorin e themelimit me një ceremoni solemne dhe nderon akademik Abdylmenaf Bexhetin me titullin „Doctor Honoris Causa“
- ChallengeEU organizon fushatë ndërgjegjësuese për shëndetin mendor në kuadër të 25-vjetorit të UEJL-së
- Fakulteti i Drejtësisë i UEJL-së organizon Konferencën e VII Ndërkombëtare Shkencore në Shkencat Juridike – ISCLS ’26
- UEJL shpreh ngushëllime për ndarjen nga jeta të Prof. Sulo Hadërit
- UEJL dhe Instituti i Kontabilistëve të Autorizuar të Maqedonisë së Veriut nënshkruajnë Memorandum Bashkëpunimi me UEJL-në
- UEJL dhe MAPAS nënshkruajnë memorandum bashkëpunimi për avancimin e edukimit financiar dhe praktikës profesionale
- Ambasadorja e Holandës në RMV, Ozlem Canel, ligjëroi në UEJL me temë “Çfarë ardhmërie dëshironi?”