Ambasadori holandez vizitoi UEJL-në

Me këtë rast, rektori i UEJL-së, Prof. Dr. Zamir Dika u shpreh mirënjohës për përkrahjen që e ka dhënë bashkësia ndërkombëtare për këtë universitet.

"Që nga themelimi, me ndihmën e miqve tanë ndërkombëtarë, BE-se dhe SHBA-ve, nisma e diplomatit të shquar holandez, z. Max van der Stoel u be realitet për të pas një universitet model ne rajon, siç është UEJL. Edhe për mënyrën se si ky universitet frymon, por edhe për ndikimin që të diplomuarit tanë kanë në shoqëri, flet për përkushtimin e vazhdueshëm për t’i shërbyer promovimit të dijes dhe përparimit", tha ai, duke shtuar se është mirënjohës që edhe pas 15 vitesh vazhdon përkrahja ndërkombëtare për UEJL-në. Pas takimit me rektorin Dika, ambasadori Wouter Plomp mbajti një ligjëratë para studentëve të UEJL-së, në temën: “Maqedonia dhe BE-ja në prag të zgjedhjeve”.