Studentët e Fakultetit Juridik të UEJL-së në vizitë studimore në Spanjë

Po ashtu, në Madrid u vizitua edhe Fakulteti Juridik i Universitetit Autonom të Madridit, ku nga ana e dekanit të këtij fakulteti Prof. Dr. Fernando Molina Fernandez si dhe prodekanit Irene Martin Kortes studentët u njoftuan me programet studimore të studimeve deridiplomike dhe master si dhe mënyrën e mbajtjes së provimeve, të ligjëratave dhe të orëve praktike në këtë fakultet. Studentët po ashtu kishin mundësi që të njihen për së afërmi edhe me kolegët e tyre spanjoll duke shkëmbyer kështu edhe përvojat e tyre të studimeve.

Në Barcelonë u vizitua Fakulteti juridik i Universitetit Autonom të Barcelonës ku nga ana përgjegjësit për çështje mobiliteti, Prof. Dr. Josep Kapdeferro u prezantuan programet studimore të këtij fakulteti, me theks të veçantë drejtimet e studimeve master si dhe mundësitë për bashkëpunim midis dy fakulteteve në kuadër të programeve Erasmus. Po ashtu në Barcelonë u vizitua edhe Parlamenti i Komunitetit Autonom të Katalonisë, me çrast studentët u njoftuan për së afërmi mbi historikun, strukturën, funksionet dhe mënyrën e punës së këtij parlamenti.

Vizita studimore u vlerësua e suksesshme meqenëse kontribuon në zgjerimin e horizonteve ndërkombëtare dhe evropiane të studentëve dhe të stafit akademik të Fakultetit Juridik të UEJL-së.